Vitrine

Dizionari ortografic Furlan. Plui di 38.000 lemis dal talian al furlan e dal furlan al talian. Grafie uficiâl e lenghe furlane di riferiment. Comprilu ca di noaltris!

Cors di grafie furlane. Une formulazion clare e sintetiche des regulis di grafie uficiâl de lenghe furlane, cun esercizis e soluzions e un cd par i detâts. Par cui che al à za une buine paronance de lenghe furlane fevelade , ma che al vûl imparâ a scrivi cun plui sigurece. Comprilu ca di noaltris!

Claminus

Serling soc.coop.
email: info@serling.org
telefon / fax : +39 0432 649131
p.IVZ (IVA) 02203350307

Gnovis

Presentazion di "Jude"
18/11/2009 - Presentazion dal program "Jude" tradutôr automatic dal talian al furlan, martars al 1 di Dicembar dal 2009 aes 18.00 li de Fondazion CRUP in v. Manin 15 a Udin,. Par altris informazions lei il comunicât stampe.

Cors di grafie furlane
04/05/2009 - Sabide ai 16 di Mai, aes 18.00 li de Libreria Friuli in vie dei Rizzani 1/3 a Udin, si presentarà il libri "Cors di grafie Furlane" curât di Sandri Carrozzo. Par altris informazions lei il comunicât stampe.

Inzornament dal sît
29/04/2009 - La sezion leams dal sît e je stade inzornade cun gnovis informazions.

Cors a Felet
20/04/2009 - Par resons tecnichis il cors “Cemût si scrivial?”, al è stât rimandât ae Sierade dal 2009.

Materiâi

Une piçule rassegne di materiâi publicâts di socis de Serling:

Articui - su scuele, politiche linguistiche, tradutologjie e v.i.
Publicazions - studi e ricercje
Traduzions - libris voltâts dai socis

Omêr : Odissee
traduzion di Sandri Carrozzo, Pier Luigi Visintin
Kappa Vu, Udin (2007).

La Odissee di Omêr e je stade voltade par furlan di Sandri Carrozzo e Pierluigi Visintin cuntun lavôr lât indenant 8 agns; cheste e je la prime traduzion integrâl di un poeme epic classic dopo chê de Eneide dal '700. Une traduzion integrâl cun test in bande, une traduzion filologjiche, in esametris furlans che a mantegnin il ritmi esat dal origjinâl grêc.

A. v. : Lirics grêcs
traduzion di Sandri Carrozzo
Kappa Vu, Udin (2002).

In chest volum a son ripuartadis lis traduzions di framents dai plui famôs de liriche arcaiche greghe. In particolâr si cjatin poesiis di Archiloc, Saf, Alceu, Anacreont, Tirteu, Mimnermi, Iponat, Alcman.

Il Diari di Bobby Sands
traduzion di Carli Pup
Kappa Vu, Udin (2002).

Tal 1981 dîs militants republicans sierâts intal cjamp di presonie di Long Kesh (Irlande dal Nord) si lassarin murî di fam par otignî il ricognossiment dal status di prisonîrs politics e par rivendicâ il dirit dal popul irlandês ae autodeterminazion. Cheste tragjedie e à segnât a fonts la storie resinte de Irlande e scjassât la cussience des personis ator par dut il mont. Bobby Sands al fo il prin a murî, daspò 66 zornadis di siopar de fam, e il diari che al scrivè tai prins dîs de proteste al reste, ancjemò in dì di vuê, une des testemoneancis plui impuartantis par capî chê vicende.

Altris traduzions

Autôrs varis: Il cuadri di riferiment comun european pes lenghis (sintesi) traduzion di C.Pup e D.Toffoli, CUF, Udin (2004)

L.Peressini: Lis Tieris Dismenteadis, traduzion di C.Pup, Comunitât Culinâr dal Friûl (2001)

L.Peressini: Vitis di un vilan salvadi, traduzion di C.Pup, Comunitât Culinâr dal Friûl (2001)