www.serling.org (2008).

La coinè o lenghe comune, lenghe standard o lenghe di riferiment, e je il model de lenghe scrite, in cualchi câs ancje fevelade, che e fâs di riferiment par une comunitât linguistiche. Ducj i sistemis linguistics che a àn di vê une uficialitât e che a àn di jessi insegnadis tes scuelis a àn un lenghe comune. La coinè taliane e je derivade dal toscan, chê spagnole dal castilian, chê todescje dal alt todesc e v.i.. Ancje par furlan e je une coinè che si fonde sul model dal furlan centrâl. La coinè leterarie furlane e je esistude almancul dal Sietcent. A “inventâ”, cence savêlu, la coinè al à di jessi stât il liric Ermes di Colorêt (1622-1692) che, jessint cetant calcolât dai poetis furlans vignûts dopo di lui, al è stât cjolt di model no dome pes formis, ma ancje pe lenghe. Cussì ancje poetis e scritôrs furlans che no fevelavin varietâts centrâls a àn tacât a doprâ la coinè cence nissune pression esterne des istituzions, che di fat nancje no jerin.

discjame l’articul in formât *.pdf

 

Leave a Reply